Skip to main content

જો મને કૃષ્ણ મળે તો હું પુછેત કે.......

  રાધા ને એક ઝાટકે છોડી ને મથુરા મામા સાથે ભીષણ યુદ્ધ લડવા ગયા! પ્રેમ ભગ્ન લોકો તો પોતાના મગજ પર કંટ્રોલ ગુમાવી દે છે.. તમે આવા ભીષણ યુદ્ધમાં કઈ રીતે મગજ પર કંટ્રોલ રાખ્યો?
  –  મથુરા નું રાજ્ય નાના ને સોંપી ને સાંદીપની ઋષિના આશ્રમમાં ભણવા જતા રહ્યા ત્યારે તમને રાધા યાદ ના આવી? 
  –  જરાસંઘ વધ પછી 16000 ત્યકતાને સ્વીકારી ત્યારે તમને એમ ના થયું કે રાધા ને પણ સ્વીકારી એને દ્વારિકાની મહારાણી બનાવી દઉં?
  –  રુકમણી નું હરણ કર્યું ત્યારે તમારો પહેલો પ્રેમ યાદ ના આવ્યો?
  –  16008 સ્ત્રીઓ સાથે માજબૂરીમાં અને તેમને રાજી રાખવા જ મેરેજ કર્યા! તો રાધા નો શું વાંક? એની સાથે પણ લગ્ન કર્યા હોત તો?
  –  પળે પળે લોક કલ્યાણ માટે પત્નીથી દૂર રહયા ત્યારે તમને પત્ની-પ્રેમિકા યાદ ના આવી? એમની યાદો ભૂલવા તમે શું કરતા?
  –  દ્રૌપદી અને પાંડવો ની પ્રેમભરી ગોષ્ટિ રોજ જોય તમારા મનમાં તમારી પત્ની અને રાધા યાદ નાં આવી?
  –  કુરુક્ષેત્રમાં આખો દિવસ રથ હાંકી સાંજે પથારીમાં પડ્યા પડયા તમને એવું નાં થયું કે કાશ અત્યારે રાધા-રુકમણી પગ-માથું દબાવી દ્યે તો હું ફ્રેશ થઈ જાવ! આવા સમયે તમે શું કરતા?
  –  પ્રભાસ-પાટણ પાસે ભાલકા તિર્થે  પારધીનું બાણ લાગતા મૃત્યુની નજીક પહોંચીને તમે એવું કેમ કહ્યું કે “રાધા ને જઇ કોઈ કહેજો કે કૃષ્ણ હવે આ દુનિયામાં નથી. આટલો પ્રેમ? તો અંતિમ પળે તેમને રૂબરૂ કેમ ના મળવા ગયા? દરેક વિકટ પરિસ્થિતિઓનો જિંદગીભર સામનો કરનાર કૃષ્ણ શું રાધાનો સામનો કરવા સક્ષમ નહોતો? (આમ તો તમે અંતર્યામી છો…રાધા ને દર્શન દઈ તમે ખુદ આ બધું જણાવી દેત… આવું કેમ નહિ?)
  કદાચ આવા ઘણા પ્રશ્નનો દ્રૌપદી જેવી પ્રિય સખી એ પીઠમાં એક ધબ્બો મારી કે રુકમણીએ માથાના વાળ પસરાવી પૂછયા હોત તો આપણ ને પ્રેમ પર એક મહાન ગ્રંથ મળત.
ગાંધીજી જેવા ત્રાની સહિત ઘણા એવું માને છે કે રાઘા-કુરુક્ષેત્ર જેવું કઇ નહોતુ આ બધી રુપક કથા છે…કૃષ્ણને કદાચ આ પુછીએ તો એ આ બધી સાચા-ખોટાની પળોજણમાં પડ્યા વગર ઉપરના પ્રશ્નોનો જવાબ જરુર આપે… 
જગત ગીતાજી ને પામી ધન્ય થયું…આજના પ્રેમભગ્નથી ડીપ્રેશનમાં આવી જતા યુવાનો માટે પ્રેમગ્રંથની પણ એટલી જ જરૂર છે..આપણને મહાજ્ઞાની કૃષ્ણ પાસે થી પ્રેમ પરનું જ્ઞાન ન મળવાનું દુઃખ જરૂર હશે.
ખેર એક આડવાત….બીજા ધર્મ નાં કટ્ટરપંથી ઓ ગીતાજીની ઉપેક્ષા કરતા હોય કે પોતાના ધર્મ ગ્રંથને લીધે વાંચતા પણ ના હોય…ગીતાજીમાં કહ્યું હતું…હું જ ભગવાન છું, હું પાછો આવીશ વગેરે વગેરે બીજા ધર્મના લોકો સહન પણ નાં કરી શકે! જો કૃષ્ણે થોડાક શ્લોકો પ્રેમ પર કહ્યા હોત તો એ શ્લોકોને વણી એક પ્રેમગ્રંથ ની રચના કરવામાં આવી હોત તો જગતની બેસ્ટ સેલર બુક બની હોત! એ ગ્રંથ નાત જાતના ભેદભાવ વગર બધા વાંચત! (કારણ કે પ્રેમને કોઈ ધર્મ નથી હોતો અને તેમાં કૃષ્ણ પોતાના નામ નો ઉલ્લેખ કર્યા વગર માત્ર પ્રેમ પર જ કહેત, જે દરેક ધર્મના લોકો પચાવી શકે 😉 )
લોકો ની માનસિકતા પ્રમાણે એક જ ઓથર ની એક સારી બુક વાંચ્યા પછી એજ ઓથર ની બીજી બુક જરૂર વાંચત…આમ કૃષ્ણ પર લખેલ પ્રેમગ્રંથ વાંચી ગીતાજી વાંચવા દરેક ધર્મનો માનવી પ્રેરાત… આડકતરી રીતે ગીતાજી અને કૃષ્ણત્વનો સમગ્ર વિશ્વમાં કોઈ પ્રચાર-પ્રશાર વગર ફેલાવો થાત. 😉
જયશ્રી કૃષ્ણ….

Comments

Popular posts from this blog

કણ કણમાં કૃષ્ણ....

જય શ્રી રાધે કૃષ્ણ,
શુભ સવાર,
પૃથ્વીના કણકણમાં કૃષ્ણ સમાયેલ છે. પૃથ્વીની એક એક રજમાં તેનો અંશ સમાયેલ છે. જેવી રીતે વ્રજની ગોપીઓ, ગાયો, વાછરડાંઓ, બાલગોપાલ બધાં કૃષ્ણને એક નજર પામીને સુખની અનુભુતીનો અનુભવ કરતાં. પરંતુ મનમાં ઊંડે ઊંડે એક દુઃખ ડોક્યા કરતું. ગોપીઓ હંમેશા વિચારતી કે કૃષ્ણને અમે અમારી હાથે બનાવી જાત જાતના પકવાન ખવરાવીએ, અમારી જાતે માખણ ખવરાવીએ, હર હંમેશ અમારી સાથે જ રહે, તેને ખુબ વહાલ વરસાવીએ. ગાયો પણ મનમાં વિચાર કરતી કે કૃષ્ણ અમારા વાછરડાં સ્વરૂપે દર્શન આપે તો અમારું જીવન ધન્ય ધન્ય થઈ જાય. ઉપરોક્ત દરેક ઈચ્છાઓ કૃષ્ણભક્ત અને તે પણ પુર્ણ પણે પવિત્ર હોય જેમાં કોઈ પણ પ્રકારનો સ્વાર્થ નહી, કોઈપણ પ્રકારની લૌકિક ભાવનાનો અંશ માત્ર ના હોવો જોઈએ તો ભગવાન તે ભક્તની દરેક ઈચ્છા પુરી કરે છે. કૃષ્ણ ગાયો-વાછરડાંઓને અને બાલગોપાલ સાથે ગાયો ચરાવવા વૃંદાવનમાં ગયા. બ્રહ્માજીએ વાછરડાં અને બાલગોપાલને ઉપાડી ગયા. સંધ્યા સમયે ઘર જતાં જેટલા બાલગોપાલ અને વાછરડાંઓ દેખાતાં ન હતાં એટલા સ્વરૂપે કૃષ્ણ દરેક ગાયોના વાછરડાં અને બાલગોપાલના સ્વરૂપે હાજર થયા. ગોપીઓ અને ગાયોની કૃષ્ણભાવના શુધ્ધ અને પવિત્ર તેમજ પુર…

રાધે ક્રિષ્ના અંતિમ સંવાદ ભાગ-૮

રાધા:હું પ્રાથના કરીશ કે તને જોઈ એ બધું જ પરમાત્મા આપે. ચાલ હવે હું જાઉં અને તારે પણ જવાનું હશે બધા તારી રાહ જોતા હશે.ફરી મળીશું ક્યારેક આવતા જનમમાં…..(અત્યારે રાધાના ચહેરા પર એક વ્યંગાત્મક હાસ્ય હતું કદાચ એ એના નસીબ પર, એના ભાગ્ય પર હસતી હશે.)

આટલું કહીં રાધા નીચું જોઈ ને ચાલવા લાગી એના ચહેરા અને ચાલમાં મક્કમતા હતી અને એક અદભૂત શાંતિ જણાતી હતી કદાચ એને સમયની ચાલ ને સ્વીકારી લીધી હતી એટલા માટે.એને એક વાર પણ પાછું વળીને નહતું જોયું. પરંતુ કૃષ્ણ નું મન હજુ અશાંત હતું એના મનમાં નવા  ઉદ્વેગોએ જન્મ લીધો હતો. એને પૂછવું હતું રાધાને કે “છેલ્લી વાર મને વળાવા નહી આવે?”  પરંતુ એનું મન સાહસ ના કરી શક્યું. રાધાએ હવે થોડું ગણું અંતર કાપી લીધું હતું પણ એ સ્પસ્ટ જોઈ શકાતી હતી કૃષ્ણ એક પલકારો પણ નહતો મારતો કદાચ એને જતી રાધાને મન ભરીને જોવી લેવી હતી છેલ્લી વાર. થોડી વાર પછી રાધા અસ્પસ્ટ થઇ હવે થોડીક જ નજીક માં એક વળાંક હતો ત્યાંથી એ વળી જવાની હતી,કૃષ્ણને હવે એને આપેલા ભોગ ની કિંમત સમજાઈ હતી એને મન થયું કે એ દોડી ને રાધાને રોકી લે પરંતુ ખબર નહી કેમ એના પગ ઉપડ્યા જ નઈ. શું હતું એનું કારણ?………

રાધે ક્રિષ્ના અંતિમ સંવાદ ભાગ-૭

કૃષ્ણ રાધાની આંખો માં જોઈ ના શક્યા, એમણે પોતાની આંખો નીચી કરી લીધી કદાચ એ જવાબ શોધતા હશે. થોડી વાર પછી એમને રાધા સામે ભીખ માંગતા હોય એમ આજીજીવળી નજરોથી રાધા તરફ ફરીથી જોયું.

<script async src="//pagead2.googlesyndication.com/pagead/js/adsbygoogle.js"></script> <script> (adsbygoogle = window.adsbygoogle || []).push({ google_ad_client: "ca-pub-6566520096856573", enable_page_level_ads: true }); </script>
રાધા: રહેવા દે કાના નઈ મળે તને આ પ્રશ્નોના જવાબ અને મારે માગીને તને ક્ષોભમાં પણ નથી મુકવો. જા કાના તું જા અને કરીલે તારી ઇચ્છાઓ પૂરી અને હા મારી ચિંતા ના કરતો હું જીવી લઈશ તારા વગર તારી યાદોમાં.હું રડીશ નહિ કાના(રાધા એ આંસુઓ લૂછતાં કહ્યું) કારણ કે મેં પ્રેમ કર્યો છે તને સાચા દિલથી અને પ્રેમ કોઈ દિવસ દુ:ખી ના કરે. મેં તારી જોડે ગાળેલી એ યમુનાના કાંઠેની સવારો, તારા બાહુપાશ માં ગાળેલી એ સાંજો અને રાસ રમતા ગાળેલી એ રાતો પુરતી છે આ જીવન ગાળવા. તારી સાથેની પ્રત્યેક ક્ષણ મારી માટે જીવન હતી અને છે કાના. પરંતુ એટલું યાદ રાખજે કાના આ મારુ બલિ…